Birləşmiş Ştatlarda Veteranlar Günüdür

Birləşmiş Ştatlarda Veteranlar Günüdür

Birləşmiş Ştatlarda Veteranlar Günüdür.

Amerikalılar bu gün ölkənin silahlı qüvvələrində xidmət edən və münaqişələrdə həyatını qurban vermis kişi qadınların xatirəsini anır.

ABŞ prezidenti bu gün Nyu-York şəhərində təşkil edilən paradda iştirak edib, İkinci Dünya Müharibəsində həlak olanların məzarları önünə əklil qoyub.

“Biz veteranlarımızın xatirəsini daim anacağıq, amerikalılar arasaında yaşayan bir çox qəhrəman var” - deyə, ABŞ dövlət başçısı illik paradın 100-cü mərasiminin açılışında bildirib.

Tramp həm də demokratların impiçmen araşdırması ilə gölgə altına alınan administrasiyasının daha bir uğurunu önə çəkib.

Ötən ay İŞİD liderinin öldürülməsi haqda prezident bildirib ki, Əl-Bağdadi və onun sağ qolu öldürüldü. O, terrorçuların yenidən baş qaldrmasına mane olunduğunu, düşmənlərin qorxuya düşdüyünü bildirib.

ABŞ-da Veteranlar Günü əvvəllər Birinci Dünya Müharibəsinin bitməsi münasibətilə Barışıq günü adlanırdı. Lakin Konqres 1926-cı ildə bu günün hər il qeyd edilməsi ilə bağlı qanun qəbul edib.

1938-ci ildə noyabrın 11-i ölkə səviyyəsində bayram kimi qeyd edilməyə başlayıb.

Mənbə: www.amerikaninsesi.org