Polşa UNESKO-nun İcraiyyə Şurasının üzvü seçilib

Polşa UNESKO-nun İcraiyyə Şurasının üzvü seçilib

Varşava, 22 noyabr, AZƏRTAC

UNESKO Baş Konfransının 40-cı sessiyasında Polşa bu təşkilatın İcraiyyə Şurasının üzvü seçilib.

AZƏRTAC xəbər verir ki, bundan sonra Polşa UNESKO-nun İcraiyyə Şurasının üzvü olaraq təşkilatın gələcək simasını müəyyən edəcək islahatlarla bağlı qərar qəbuletmə prosesində iştirak edəcək.

İcraiyyə Şurası UNESKO-nun konstitusiya qanununa uyğun olaraq yaradılan üç qurumundan biridir. Bu, təşkilatın proqramı və büdcəsinin icrasına nəzarət edən və bütün müvafiq qərarlar üzrə nəticələri araşdıran ən vacib hökumətlərarası orqandır. Şura dörd illik müddətə seçilən 58 ölkədən ibarətdir.

 

Aygün Əliyeva

AZƏRTAC-ın xüsusi müxbiri

Varşava

Mənbə: azertag.az