Ağ Ev Trampın impiçmenti ilə bağlı dinləmələri boykot edir

Ağ Evin nümayəndələri prezident Donald Trampın impiçmenti üzrə Nümayəndələr Palatasının hüquq komitəsində keçirilən dinləmələrdə iştirak etmək niyyətində olmadığını bir daha bəyan ediblər.

“Reuters”in məlumatına əsasən, bu barədə Ağ Evin vəkili Pet Çipollonun komitənin başçısı Cerrold Nadlerə yolladığı məktubda deyilir.

Çipollon ABŞ konqressinin təkrar dəvətini “tamamilə əsassız”adlandırıb və qeyd edib ki, prezidentin iqamətgahında məhkəmə dinləmələrində iştirakı mənasız hesab edirlər.

“Spiker öncədən müəyyən edilmiş nəticəni artıq elan edib və onlar (Demokratik partiyanın nümayəndələri – red.) bizə şahid çağırmağa imkan verməyəcəklər”, - məktubda deyilir.

Xatırladaq ki, növbəti dinləmələr dekabrın 9-a təyin olunub.

Oxu.az

ƏVVƏLKİ XƏBƏR

Brüsseldə Türkmənistan - Avropa İttifaqi Parlamentlərarası iclası keçirilib

SONRAKI XƏBƏR

Bakıda tramvay nəqliyyatı bərpa olunur - Video