BMT Baş Assambleyası pandemiyaya ilə mübarizədə qlobal həmrəylik üzrə qətnamə qəbul edib

Bakı. Trend:

BMT Baş Assambleyası "koronavirus xəstəliyi ilə mübarizədə qlobal həmrəylik" üzrə qətnamə qəbul edib.

Trend-in "TASS"a istinadən verdiyi məlumata görə, bu barədə Baş Assambleyanın sədrinin mətbuat xidmətindən bildiriblər.

Qətnamədə BMT ölkələri "pandemiyanın qarşısını almaq, təsirini azaltmaq və onu məğlub etmək məqsədilə məlumat, elmi bilik və qabaqcıl təcrübə mübadiləsi, habelə Ümumdünya Səhiyyə Təşkilatı tərəfindən tövsiyə olunan müvafiq qaydaların tətbiqi ilə beynəlxalq əməkdaşlığı gücləndirməyə" çağırıblar.

Qətnamə həmçinin böhranın aradan qaldırılmasında BMT-nin mərkəzi rolunu vurğulayır və təşkilatın baş katibini bütün ölkələrin əlaqələndirilmiş səylərini səfərbər etməyə çağırır.

Trend.az

ƏVVƏLKİ XƏBƏR

Kanadada 10 mindən çox insan COVID-19 daşıyıcısıdır

SONRAKI XƏBƏR

Ukraynada karantin qaydaları sərtləşdirildi