İran gəncləri ABŞ-a yardım göndəriblər

Tehran, 6 aprel, AZƏRTAC

İran universitetlərinin tələbələrindən ibarət olan “Bəsic” könüllülər təşkilatı koronavirusdan qorunmaq üçün ABŞ xalqına yardım göndərib.

AZƏRTAC xəbər verir ki, ABŞ-ın Tehrandakı keçmiş səfirliyinin binasını özləri üçün ofisə çevirən könüllülər tibbi maska və dezinfeksiya üçün məhlullardan ibarət yardımı toplayaraq İsveçrənin Tehrandakı səfirliyinə təqdim ediblər.

Qeyd edək ki, İran ilə ABŞ arasında diplomatik əlaqə olmadığı üçün bəzi texniki məsələlər qarşılıqlı razılıq əsasında İsveçrənin İrandakı və ABŞ-dakı səfirlikləri vasitəsilə həyata keçirilir.

Rabil Kətanov

AZƏRTAC-ın xüsusi müxbiri

Tehran

Azertag.az

ƏVVƏLKİ XƏBƏR

Goranboyda avtomobil aşıb, xəsarət alanlar var

SONRAKI XƏBƏR

Azərbaycanda karantində 4 369 nəfər var - RƏSMİ