Macarıstan Beynəlxalq Cinayət Məhkəməsindən çıxacaq.
Rusiya mediasına istinadən xəbər verilir ki, bu barədə Macarıstan Baş nazirinin administrasiyasının rəhbəri Qerqey Qulyaş bildirib.
Qulyaşın sözlərinə görə, Macarıstan konstitusiyasına və beynəlxalq hüquqi bazaya uyğun olaraq səlahiyyətlərə xitam verilməsi proseduru bu gün Nazirlər Kabinetinin təşəbbüsü ilə başlayacaq. Müvafiq qərarı Macarıstan hökuməti qəbul edib.
Qeyd edək ki, bu gün İsrailin Baş naziri Benyamin Netanyahu BCM-nin orderinə baxmayaraq Macarıstana səfər edib. Belə ki, BCM ötən ilin noyabrında “Qəzza zolağında hərbi cinayətlərə görə” onun həbsinə dair order verib.
Macarıstanın Baş naziri Viktor Orban isə məhkəmənin bu addımını kəskin tənqid etmiş və BCM-in tələblərinə zidd olaraq Netanyahunu Budapeştə səfərə dəvət etməyi vəd etmişdi.
Mənbə: qafqazinfo.az
scorpion.az