Sərhədin demarkasiyasından sonra Kirants-Voskepar hissəsində yaşayan ermənilər yaşadıqları ərazini tərk etməyə başlayıblar.
"Unikal" xəbər verir ki, bu barədə Tavuşdan olan jurnalist Voskan Sarkisyan açıqlayıb.
"Sərhədin demarkasiyasından sonra Kirants-Voskepar hissəsində 30 illik möhkəmləndirilmiş mövqelərin Azərbaycana verilməsi, sərhədlərin müəyyənləşdirilməsinin sonrakı mərhələsi ilə bağlı qeyri-müəyyənlik və Ermənistanda narahatlıq doğuran təhlükəsizlik vəziyyəti ilə əlaqədar Voskepar kəndindən iki ailə bu yaxınlarda Rusiyaya köçüb. Daha iki ailən də getmək istəyir.
1980-ci illərin ortalarında Voskepar 8 illik məktəbində 330 şagird təhsil alırdısa, hazırda 77 şagird təhsil alır. Voskeparların əhəmiyyətli bir hissəsi Belqorod vilayətinin Starıy Oskol şəhərində və Voronejdə məskunlaşıb", - deyə o qeyd edib.
Ağarza Elçinoğlu
Mənbə: unikal.az
scorpion.az