“İzolyasiyadan özünütəcridetməyə keçid də bizdən həddindən artıq gərginlik tələb edəcək”. Ordu.az xəbər verir ki, bunu Ermənistanın Səhiyyə naziri Arsen Torosyan deyib.

Torosyan qeyd edib ki, Ermənistanda özünütəcridetmə əsas vasitə olmalıdır.

“Mən bunu deyirəm ki, bir neçə aydan sonra hər şeyin yaxşı olacağını təsəvvür etməyək, əslində hər şey yaxşı olmayacaq. Ya belə olacaq, ya da nisbətən yaxşılaşa, yaxud çox pisləşə bilər”, - deyə Torosyan bildirib.

Onun sözlərinə görə, müharibə dövründə də edilən dərin çeşidləməyə gedilməsi mümkündür.

“Bu zaman əsasən xilas olmaq şansları olan pasientləri müalicəyə götürürlər. Lakin biz hər şey edirik ki, buna getməyək”, - deyə erməni nazir qeyd edib.

Torosyan bildirib ki, yoluxma sayı belə qalsa, dərin çeşidləməyə ehtiyac olacağını düşünmür: “Buna say artımı zamanı ehtiyac olacaq”.

Alpər Mövludoğlu
Ordu.az

Mənbə: ordu.az