Ermənistanın 2008-ci ildən sonra ən böyük iqtisadi geriləməsi olacaq

Ermənistan Statistika Komitəsi 2020-ci ilin birinci rübünün Ümumi Daxili Məhsulunun (ÜDM) ilkin məlumatlarını açıqlayıb və bu məlumatlar Ermənistanda ciddi şəkildə narahatlığa səbəb olub. Daşnaksütun Bürosunun iqtisadi araşdırmalar ofisinin cavabdehi, iqtisadçı Suren Parsyan bildirib ki, 2020-ci il bütün ölkələr üçün böhran ili olacaq və Ermənistan hakimiyyətinin Ermənistanın böhranın imkanlarından yararlana biləcəyi ilə bağlı nəzəri iddiaları boşa çıxır.

“Birmənalı şəkildə proqnozlaşdırmaq olar ki, 2020-ci ildə Ermənistanın 2008-ci ildən bəri ən böyük iqtisadi geriləməsi olacaq və Ermənistanın hazırkı hakimiyyəti, ilk növbədə iqtisadi blokun nümayəndələri bu iqtisadi geriləmənin bütün siyasi məsuliyyətini daşıyacaq.

Ən vacibi odur ki, Ermənistan hökuməti bu vəziyyətdə Ermənistan ictimaiyyətinə düzgün siqnallar, obyektiv və sistemli informasiya çatdırmalıdır”, - deyə o qeyd edib.

Alpər Mövludoğlu
Ordu.az

 

Ordu.az

ƏVVƏLKİ XƏBƏR

Ukrayna Rusiya və Çin malları üçün rüsumu artırdı

SONRAKI XƏBƏR

"Ramazan - Vəhdət və Mərhəmət Bayramı" adlı onlayn konfrans keçirilib