Qanunsuz vəsait hesabına xaricdə əmlak sahib olanların mülklərini əlindən almaq mümkün olacaq.
Cinayət Prosessual Məcəlləsinə bununla bağlı əlavə təklif olunur. Məcəllənin 521-ci maddəsinə nəzərdə tutulan əlavə xarici ölkədə yerləşən əmlakın müsadirə prosedurunu müəyyənləşdirir.
Fəzail Ağamalı bildirir ki, qanunsuz əldə edilən pullar hesabına xaricdə tikilən müəssisə və mülklər, ayrı-ayrı ölkə vətəndaşlarının məşğulluğuna, həmin ölkələrin büdcəsinə xidmət edən hallar qəbuledilməzdir və həmin vəsait Azərbaycana geri qaytarılmaldıır. Geri qaytarılma isə bir neçə yolla həyata keçirilə bilər.
Layihə parlamentin mayın 31-də keçiriləcək plenar iclasında müzakirəyə çıxarılacaq. Qanun qəbul olunacağı təqdirdə növbəti aylarda qüvvəyə minəcəyi gözlənilir.
Mənbə: www.realtv.az