ABŞ Dövlət Katibliyi Küveytə 1 milyard, 425 milyon dollarlıq silah yükünün satılmasına razılıq verib...

ABŞ Dövlət Katibliyi Küveytə 1 milyard, 425 milyon dollarlıq silah yükünün satılmasına razılıq verib. Bu silah və hərbi sursatların bir qismi Patriot havadan müdafiə sistemlərinin təchizatı və avadanlığıdır.

İnterAz SalamNews-a istinadla xəbər verir ki, bu barədə Pentaqondan məlumat verilib.

Bildirilib ki, ABŞ Döğvlət Katibliyi 84 Pak-3 interceptor raketləri, onlara aid MSI sistemləri ilə əlaqədar avadanlıqlar, eləcə də Patriot sistemlərinin yenilənməsilə bağlı avadanlıqların satılmasına razılıq verib. Təkcə deyilənlərin dəyəri 800 milyon dollar civarında təxmin edilir.

Qeyd edək ki, ABŞ senatori Bob Menendez "The Daily Beast"ə son açıqlamasında deyib ki, Konqresin Səudiyyə Ərəbistanına yeni silah satışlarının təmin edilməsilə bağlı mühafizəkar mövqeyinə baxmayaraq Tramp Administrasiyası bu körfəz ərəb ölkəsilə də milyardalarla dollar dəyəri olan yeni silah müqaviləsi imzalamağı planlaşdırır.

Mənbə: www.interaztv.com