İran qonşusu ilə sərhədləri açır

İran qonşu dövlətlə sərhədləri açmaq qərarına gəlib. Söhbət Türkmənistandan gedir.

Bizimyol.info xəbər verir ki, İran iyunun 1-dən Türkmənistanla sərhədləri açacaq. İran Gömrük İdarəsinin mətbuat katibi Seyed Ruhulla Lətifi bu haqda məlumat verib. Mətbuat xidmətinin rəhbərinin sözlərinə görə, ticarət əlaqələrinin bərpası üçün tam uyğun vaxtdır. Yəni birinci mərhələdə yalnız yük maşınları sərhədi keçəcək.

Lətifi Əfqanıstanla da sərhədlərin açılması ehtimalından söz açıb. Yaxın günlərdə bu Asiya ölkəsiylə də ticarət əlaqələri bərpa olunacaq. Mətbuat katibi İran-Əfqanıstan-Tacikistan və İran-Əfqanıstan-Özbəkistan tranzit marşrutlarının ölkəsi üçün böyük əhəmiyyətindən danışıb.

İranın Türkmənistan və Əfqanıstandan başqa, Azərbaycanla, Ermənistanla, Türkiyə ilə və Pakistanla quru sərhədləri var.

Bizimyol.info

ƏVVƏLKİ XƏBƏR

Bakıda çəkilən bu görüntülər müzakirələrə səbəb oldu - Video

SONRAKI XƏBƏR

Otuz altı ölkə borclarının ertələnməsi üçün G20-nin katibliyinə müraciət edib