2019-cu ildə Ermənistanda və Azərbaycanın işğal olunmuş Dağlıq Qarabağ ərazisində 49 erməni hərbçi həlak olub. Azvision.az xəbər verir ki, bu barədə Ermənistanın baş prokuror Artur Davtyan parlamentdə çıxışı zamanı məlumat verib.

Onun sözlərinə görə, 49 hərbçidən yalnız 20-nin ölümü xidmətlə əlaqəli olub, 29 halda isə səbəblər fərqlidir.

“2018-ci ildə 63 hərbçi ölüb, onlardan 38-i hərbi xidmətlə əlaqədar idi. 2020-ci ildə hərbi prokurorluğun prioritet istiqamətlərindən biri də ordudakı mənfi hallarla mübarizə olacaq. Zabit heyətinin davranışlarında dəyişikliklər etmək lazımdır”, - deyə baş prokuror bildirib.
Pərvanə Sultanova

Mənbə: azvision.az