Partiya sədri Paşinyanın Qarabağdakı erməniləri yoluxdurduğunu iddia edir

Partiya sədri Paşinyanın Qarabağdakı erməniləri yoluxdurduğunu iddia edir

Artur Kazinyanın sözlərinə görə, Paşinyan Ermənistan tarixində, ən cılız, qeyri-ciddi və məs..uliyyətsiz baş nazirdir...

 

AzToday.az “panorama.am”a istinadən xəbər verir ki, “Tək Ermənistan” partiyasının qurucusu, hüquq elmləri namizədi Artur Kazinyan “Facebook” sosial şəbəkəsindəki səhifəsində Ermənistanın baş naziri Nikol Paşinyan və ailəsinin koronavirusa yoluxmasının təsdiqlənməsi xəbərlərinə istinadən yazıb: “Paşinyan və ailəsi koronavirusa yoluxdular. Əlbəttə, bu gözlənilən idi, çünki koromnvirusa qarşı laqeydlik və ona lağetmə, bu virusa qarşı göstərdiyi qeyri-ciddi və cılız münasibət buna gətirib çıxardı”.

O xatırladıb ki, 10 gün əvvəl Ermənistanın siyasi “elitası” Şuşada təşkil edilmiş andiçmə mərasimi və ziyafətdə maskasız, qoruyucu vasitələrsiz, sosial məsafənin tələblərinə minimal riayət etməklə iştirak edib.

A.Kazinyan deyib ki, mütəxəssislərin fikrincə, bu virusun inkubasiya dövrü ən azı 14 gün davam edir: “Başqa sözlə, dəqiqliklə demək olar ki, Paşinyan bu ziyafətdə virusun daşıyıcısı idi, onun digər ziyafət iştirakçılarına da yoluxdurma ehtimalı yüksəkdir. Əgər o, özünün və ailəsinin təhlükəsizliyini təmin edə bilmirsə, Ermənistanın daxili və xarici təhlükəsizliyinin qarantı olaraq vətəndaşlarımızı necə qoruya bilər?”

Onun sözlərinə görə, bu, Paşinyanın bütün həyatı ilə fəxr edə biləcəyi bu yeni rekorddur ki, o, Ermənistan tarixində, ən cılız, qeyri-ciddi və məsuliyyətsiz baş nazirdir.

pia.az

Mənbə: pia.az