Eastnews.org-un verdiyi xəbərə görə, İraq təhlükəsizlik rəsmisi son aylarda İraqda 3000-dən çox İŞİD üzvünün edam cəzasına məhkum edildiyini açıqlayıb.

İraqlı təhlükəsizlik mənbəsi İraq həbsxanalarının demək olar ki, illərlə həbs olunan İŞİD terror qruplaşmasının elementləri ilə dolu olduğunu deyib.

Mənbə "Arabic.rt"yə açıqlamasında 3000-dən çox İŞİD üzvünün ölüm cəzasına məhkum edildiyini, lakin cəzalandırılmadığını deyib.
Qeyd edək ki, bu yaxınlarda İraq parlamentindəki Təhlükəsizlik və Müdafiə Komissiyasının keçmiş başçısı Hakim əz-Zamili İŞİD terrorçularının edam edilməsinə çağırış edib.

Bundan əlavə, İraq parlamentindəki "Sadiqun" fraksiyasının üzvü Həsən Salim may ayının ortalarında İraq Prezidenti Bərham Salehi İŞİD üzvləri üçün edam qərarını imzalamağa səsləyib.

Mənbə: arabic.rt

Mənbə: eastnews.org