Qazaxıstan Prezidenti Kasım-Jomart Tokayev ölkədə ikili hakimiyyətin olması barədə məlumatlara münasibət bildirib.

Teleqraf.com xəbər verir ki, o, bu haqda dilə gətirilən iddiaların həqiqəti əks etdirmədiyini deyib.

“Hazırkı çətin vəziyyətdə Nazarbayev (keçmiş prezident və Təhlükəsizlik Şurasının rəhbəri) qəti şəkildə böhrandan sürətli çıxış yolu tapmağı, yeni iqtisadiyyatın qurulmasını və vətəndaşlara maddi dəstəyin göstərilməsini söylədi. İkili güc yoxdur, Nursultan Abişeviçin özü də bu barədə dəfələrlə danışaraq, cəmiyyəti hazırkı prezidentin ətrafında birləşməyə çağırıb”, - Tokayev vurğulayıb.

Mənbə: teleqraf.com