Peruda koronovirusdan 20 jurnalist ölüb

Peruda koronovirusdan 20 jurnalist ölüb

Madrid, 3 iyun, AZƏRTAC

Peruda iki ay ərzində COVID-19 pandemiyası ilə bağlı vəziyyəti işıqlandıran 20 jurnalist bu virusa yoluxma səbəbindən həyatını itirib.

AZƏRTAC xəbər verir ki, onlardan 10 nəfəri əsasən Amazonkanın Loretto Departamentinin paytaxtı İkitosedə işləyərkən koronavirusa yoluxub. Milli jurnalist cəmiyyətinin katibi Juliana Laynesin sözlərinə görə, fövqəladə vəziyyət rejiminin ilk həftələrində jurnalistləri xüsusi qoruyucu paltarlarla təmin etmək mümkün olmayıb.

Qeyd edək ki, Peru koronavirusa yoluxanların sayına görə Cənubi Amerikada Braziliyadan sonra ikinci yerdədir. Ölkədə bu günədək 174 min 884 nəfər koronavirusa yoluxub, 4767 nəfər isə həyatını itirib.

Nigar Cəfərli

AZƏRTAC-ın xüsusi müxbiri

Madrid

Mənbə: azertag.az