Ermənistan Baş naziri Nikol Paşinyan haqqında daha çox mənfi məqalələr müşahidə olunub. Ordu.az xəbər verir ki, bu barədə Ermənistanın “Media müdafiəçisi” təşəbbüsünün “Facebook” səhifəsində qeyd olunub.
Təşəbbüs 2020-ci il mayın 21-dən 31-nə qədər onlayn mətbuatda Ermənistan Baş naziri Nikol Paşinyanın şəxsiyyəti və fəaliyyəti ilə əlaqəli olan məqalələri izləyib.
Ermənistanın daxili 5 xəbər saytı – “1in.am”, “azatutyun.am”, “armtimes.com”, “aravot.am” və “tert.am” nəzərdən keçirilib. 5 saytda 414 məqalə qeydə alınıb, bunlardan 49-u mənfi, 12-si müsbət, 353-ü neytral olub.
Təşəbbüsün məlumatına görə, “armtimes.com” nəşrində 130 məqalə nəşr olunub, bunlardan 1-i mənfi, 4-ü müsbət, 125-i neytral olub.
“Aravot.am” nəşrində 111 məqalə işıq üzü görüb ki, bunlardan da 23-ü mənfi, 3-ü müsbət, 85-i neytral olub.
“Media müdafiəçisi” təşəbbüsü qeyd edib ki, “1in.am” nəşrində 5-i mənfi, 5-i müsbət, 78-i neytral olmaqla 88 məqalə nəşr olunub.
Təşəbbüs “tert.am” nəşrində 17-si mənfi, 2-si müsbət, 29-u neytral olmaqla 48 məqalə müşahidə edib.
“Azatutyun.am” nəşrində isə 42 məqalə işıq üzü görüb, bunlardan 3-ü mənfi, 39-u neytral olub, müsbət məqalə qeydə alınmayıb.
Mənbə: ordu.az