Bratislava, 5 iyun, AZƏRTAC

Slovakiya iyunun 5-dən etibarən həmsərhəd ölkələr - Avstriya, Çexiya, və Macarıstan vətəndaşları üçün sərhədlərini məhdudiyyətsiz şəkildə açıb.

AZƏRTAC xəbər verir ki, bu barədə məlumatı ölkənin TASR xəbər agentliyi yayıb.

Məlumatda qeyd edilib ki, Slovakiya və digər üç ölkə arasında bağlanan razılaşma ilə sərhəd-keçid məntəqələrində sanitar-epidemioloji tədbirlərin tətbiqi dayandırılıb. Buna səbəb isə bu ölkələrdə infeksiyanın yayılma sürətinin olduqca aşağı düşməsi olub.

Slovakiyanın Baş Naziri İqor Matoviç bildirib ki, qonşu ölkələrlə qarşılıqlı şəkildə qərarların qəbulu əhalinin heç bir məhdudiyyət olmadan sərbəst hərəkətini təmin edəcək. Sərhəd-keçid məntəqələrində koronavirusla bağlı testlər və karantin tədbirləri tətbiq edilməyəcək.

Elgün Niftəli

AZƏRTAC-ın xüsusi müxbiri

Bratislava

Mənbə: azertag.az