Prezident İlham Əliyevin iyun ayının 3-də Tərtər Olimpiya İdman kompleksinin
açılışında irəli sürdüyü fikirlər bütün Azərbaycan ictimaiyyətini narahat edən
problemlərlə bağlıdır. Burada ən mühum məsələ Dağlıq Qarabağ münaqişəsinin həlli və
Avropa Şurası Parlament Assambleyasının (AŞPA) məsələyə münasibətdir.
Ölkə prezidenti mart və aprel aylarında Dağlıq Qarabağ xunta rejiminin keçirdiyi
seçki şoularının layiqli qiymətini vermişdir. Təsadüfi deyil ki, bu seçkilərin nəticələri
aparıcı beynalxalq təşkilatlar, o sıradan ATƏT-in həmsədrləri — ABŞ, Fransa və
Rusiya, Avropa ittifaqı, Avropa Parlamenti, Islam Əməkdaşlıq təşkilatı, Qoşulmama
Hərəkatı tərəfindən tanınmamışdır.
Prezidentin çıxışında bu hadisə ilə bağlı öz mövqeini bildirməyən AŞPA-nın
Azərbaycana münasibəti tamamilə düzgün təhlil edilmiş və onun mahiyyəti açılmışdır.
Bu qurumun anti-Azərbaycan mövqeyi həmişə özünü göstərmişdir. Keçirilən
monitorinqlər və ermənipərəst qüvvələrin hazırladığı qərəzlı hesabatlarda ölkəmizə
qarayaxma və ikili standartlar münasibətindən yaranan ədalətsiz yanaşmalar öz əksini
tapır.
Möhtərəm Prezident Ermənistanın indiki rəhbərliyinın sərsəm fikirlərini və
hərəkətlərini dəfələrlə göstərmiş və hətta nüfuzlu beynəlxalq tədbirlərdə onları ifşa
etmişdir. Tarix boyu biz həmişə xəbis erməni xislətinin şahidi olmuşuq: faşistlərlə sıx
əməkdaşlıq etmək, belə şəxslərə abidə ucaltmaq. Bütün dünya ölkələrinin indiki çətin
vəziyyətdə olduğu bir şəraitdə Dağlıq Qarabağ xunta rejimində seçkilərin keçirilməsi də
təsadüfi deyil.
Prezident İlham Əliyev AŞPA-nın fəaliyyətindəki Azərbaycanafobiya siyasətinin
əlamətlərini göstərərək Dağlıq Qarabağ münaqisəsinin sülh yolu ilə həllinə maneələr
yaradan Ermənistanın tərcübəsiz və naşı rəhbərliyinin iç-üzünü açmışdır. AŞPA
münaqişə üzrə alt komitənin fəaliyyətini iflic etmiş Ermənistanın mövqeyinə münasibət
bildirməmiş və hər vasitə ilə Azərbaycana qarşı qarayaxma sənədlər ortalığa
çıxartmaqla məşğul olmuşdur. AŞPA neçə ildir ki, Ermənistan həbsxanalarında
saxlanılan iki Azərbaycan vətəndaşının taleyi ilə maraqlanmaqdansa, fevral ayında Milli
Məclis keçirilən seçkilər haqqında yenə ədalətsiz münasibəti nümayiş etdirilmişdir.
Biz Prezidentin açiqlamaları ilə tam şərikik ki, Azərbaycanın tərəqqisini və
beynəlxalq cəmiyyətdə rolunun yüksəlıməsini istəməyən qüvvələr Azərbaycanafobiya
və islamafobiya siyasətini aparırlar. Ölkəmizin qüdrəti böhranlı və çətin şəraitlərdə də
dayanıqlı iqtisadi inkişafı və əhalinin sosial təminatının ödənilməsində özünü göstərir.
Koronavirus pandemiyasının yayıldığı son çətin dövrlərdə Prezidentin məqsədyönlü
siyasəti və qabaqlayıcı tədbirlər nəticəsində ölkəmiz daha az itğilər verdi. Belə bir
şəraitdə ölkəmizin Prezidenti dünyanı bürüyən bəlaya qarşı birlik nümayiş etdirilməyin
zəruri olduğunu göstərdi: öncə Türk Dövlətləri Şurası, sonra isə sədrlik etdiyi
Qoşulmama Hərəkatı ölkələrini təmsil edən Təmas qrupu dövlətlərinin sammitini təşkil
etdi və dünyanı bürüyən epidemiyaya qarşı mübarizədə əməkdaşlıq ortaya qoyuldu.
Azərbaycan 30-dan artıq ölkəyə yardım əlini uzatdı. Bu dünya səhnəsində Ermənistan
nə edə bilir? Məkr və hiylə ilə ələ alınan AŞPA kimi təşkilatların mahiyyəti özü-özünə
açılır. Qurumun son iclasında iştirakçıların sayı üçdən biri qədər olur, yaxud insan
hüquqları və demokratiyanı qorumaq adı altında təqdim olunan təsisatlarda polis
zorakalığının hökm sürməsi artıq bəşəriyyəti narahat edir.
Biz Prezident İlham Əliyevin obyektiv fikirlərini və ədalətli mövqeini tamamilə
bəyənirik.
Mənbə: sfera.az