Kimya Biologiya təmayüllü Respublika liseyini seçin məqsədinizə çatın.

Kimya Biologiya təmayüllü Respublika liseyini seçin məqsədinizə çatın.

Dahilərdən biri demişdir "Elə əks biliklər var ki, bir-biri ilə qarşılaşdırılanda çaxmaq daşı kimi qığılcım yaradır və bu qığılcımın işığında tamamilə yeni biliklər görünür" Bəli,yeni bilik yeni həyat deməkdir,yeni həyatsa seçimlərdən ibarətdir. Seçimlərimiz isə kimliyimizin təcəssümüdür. Kimliyini sorğulayanda seçimlərinə nəzər yetirirlər,məqsəd və hədəfini soruşurlar. Şagirdlərimizə sual olunanda ki,hədəfin nədən ibarətdir? Cavabında: - Elmdə yüksəkliklərə ucaqmaq istəyirəm. - Müvəffəq olmaq istəyirəm. - Gözəl əxlaqlı şəxsiyyət olmaq istəyirəm. - Salamat va kamil insan olmaq istəyirəm. - Ata və anam ,vətən üçün layiqli övlad olmaq istəyirəm.Çünki məqsədim var: Müvəffəqiyyət, Səadət, Təkamül, Tərəqqi, Yüksəliş... Bunların hamısı mənim həyat məqsədlərimdir. Gənc nəslin sadaladığı bu arzuların real təcəssümü kimi Şəki şəhər Kimya Biologiya təmayüllü Respublika liseyinin filialı olaraq bir ilə yaxındır ki,fəaliyyət göstərirdik. Sevindirici haldır ki,bu gün Təhsil Nazirliyinin birbaşa tabeliyində 5 yeni liseydən biri olduq. Onuda qeyd edək ki,qısa müddət ərzində Şəki şəhər Kimya Biologiya təmayüllü Respublika liseyi bir çox ugurlara imza atmışdır: Liseylərarası intellektual yarışda birincilik əldə etmiş və kubok qazanmışdır;

 

 

 

Respublika fənn olimpiadasında biologiya fənnindən gümüş medala layiq görülmüşdür; Prezident İlham Əliyev yanvarın 11-də 2019-cu ilin Azərbaycanda "Nəsimi ili” elan edilməsi haqqında sərəncama əsasən"Zəmanəsinə sığmayan Nəsimi"adlı Şəki Dövlət Dram Teatrıda tədbir keçirmişdir; Liseyimizin şagirdləri onlayn dərslərdə və imtahanlarda fəal iştirak edib virtual əlaçı olmuşdur, Təhsil naziri cənab Ceyhun Bayramov tərəfindən təşəkkür almışdır.

 

Şəki şəhər Kimya Biologiya təmayüllü Respublika liseyinin məqsədi , həyatda olan missiyası "Bilik gücdür"şüarı altında daha yüksək zirvələri fəth etməkdir..Bu gün o gücü əldə etmək üçün bizə müraciət etməyiniz yetərlidir.Qeyd edək ki, liseylərə qəbul imtahanlarının 2020-ci il avqustun ikinci yarısında keçirilməsi nəzərdə tutulub. Qəbul imtahanında suallara Azərbaycan dili və riyaziyyat fənləri üzrə tapşırıqlarla yanaşı, eyni zamanda şagirdlərin qeyri-standart düşünmə bacarıqlarının yoxlanılması məqsədilə məntiqi tapşırıqlar daxil ediləcək. IX siniflərə qəbul üçün əlavə olaraq şagirdlərin fizika və kimya fənləri üzrə bilikləri yoxlanılacaq. Təhsil dövlət hesabına həyata keçiriləcək. Şagirdlərin yüksək hazırlıq səviyyəsini təmin etmək üçün lisey zəruri maddi-texniki baza ilə təchiz olunacaq, xüsusi tədris planları tərtib ediləcək. Liseydə şagirdlər dövlət hesabına gündə üç dəfə isti yemək və ehtiyac yarandıqda yataqxana ilə təmin olunacaqlar. Bizi Şəki şəhər Kimya Biologiya təmayüllü Respublika liseyini seçin və övladlarınızın hədəf götürdüyü "Müvəffəqiyyət, Səadət, Təkamül, Tərəqqi, Yüksəliş"məqsədlərinə çatdırın.

Mənbə: aztehsil.com