“İyunun 30-da Azərbaycan və Ermənistan Xarici İşlər nazirlərinin videokonfransından sonra gözlənildiyi kimi hər iki tərəf bu barədə bəyanat yayıb, özü üçün vacib detalları vurğulayıb”. Ordu.az erməni KİV-lərinə istinadən xəbər verir ki, bu barədə erməni politoloq Suren Sarkisyan deyib.

Sarkisyan bildirib ki, bu görüşdən əvvəl diqqət yetirilməyən və şərh olunmayan bir şey baş verib, söhbət digər məsələrlə yanaşı Qarabağ münaqişəsinin də müzakirə olunduğu Ermənistan Xarici İşlər naziri Zöhrab Mnatsakanyanla ABŞ dövlət katibinin Avropa və Avrasiya məsələləri üzrə müavini vəzifəsinin müvəqqəti icraçısı Filip Rikerin telefon danışığından gedir.

“Beynəlxalq ictimaiyyətin ümidi var ki, Ermənistan hakimiyyəti Qarabağ məsələsində qeyri-standart addımlara, qeyri-ekvivalent güzəştlərə gedə bilər”, - deyə erməni beynəlxalqşünas bildirib.

Alpər Mövludoğlu
Ordu.az

Mənbə: ordu.az