Putin: "Rusiya ölkəyə miqrant axınında maraqlıdır"

Rusiya ölkəyə miqrantların axınında maraqlıdır.

APA-nın Moskva müxbirinin verdiyi məlumata görə, bunu Rusiya Prezidenti Vladimir Putin ölkə konstitusiyasına dəyişikliklərin hazırlanması ilə bağlı işçi qrupun üzvləri ilə görüşündə bildirib.

"Rusiyanın yeni vətəndaş axınına ehtiyacı var. Tezliklə ölkədə işçi qüvvəsi çatışmayacaq. Bunun ölkədə iqtisadi artımın obyektiv məhdudlaşdırıcısına çevriləcəyi açıq aydın görünür", - deyə Rusiya Prezidenti vurğulayıb.

Putinin sözlərinə görə, miqrasiya mövzusu iqtisadi nöqteyi nəzərdən də vacibdir: "Bu, dövlət siyasəti olmalıdır. Rusiya miqrant axınında maraqlıdır. Lakin bu axında ölkəyə lazım olanlar yer almalıdır. Burada söhbət cavan, sağlam, təhsilli insanlardan, ya da təhsil almağa, əmək bazarına daxil olmağa çalışan, ya da lazımi səviyyədə ixtisaslaşmış insanlardan gedir".

Apa.az

ƏVVƏLKİ XƏBƏR

Rusiyalı ekspert: "Azərbaycanda yaxın illərdə Günəş energetikasının inkişafını gözləmək olar" - MÜSAHİBƏ

SONRAKI XƏBƏR

BAEA: İranın Natanz nüvə obyektində yanğın baş verən ərazidə nüvə materialı olmayıb