İqtisadçı çıxılmaz vəziyyətdə: "Fəaliyyət azadlığımız məhdudlaşdırılıb"

İqtisadçı çıxılmaz vəziyyətdə: "Fəaliyyət azadlığımız məhdudlaşdırılıb"

"Məsləhət xidməti göstərən fiziki şəxs kimi vergi uçotundayam. Hətta pandemiya dövründə belə vergilərimi və sosial sığortamı ödəmişəm. Amma vergi ödəmək üçün gərək işləyəsən, fəaliyyət azadlığın ola"...

Dominant.az xəbər verir ki, bunu tanınmış iqtisadçı Rövşən Ağayev bildirib.

Onun sözlərinə görə, bunu.n nəticəsində indi elektron icazə sistemi onun müraciətini qəbul etmir: "Fəaliyyət azadlığımızı məhdudlaşdırır. Təklif edir ki, vergi orqanı ilə faəliyyət kodumuzu aydınlaşdıraq. Halbuki biz qeydiyyatdan keçməklə, VÖEN almaqla zamanında bunu aydınlaşdırmışıq. Sistem bizi rəsmən tanıyır, vergimizi, sosial ödənişlərimizi, hesabatlarımızı qəbul edir - tanımasa bunlardan da imtina edərdi. Bu, təxminən, o vəziyyətdir ki, dövlət doğulan uşağı rəqmən tanıyıb şəhadətnamə vermək istəmir. Vətəndaşına şəxsiyyət vəsiqəsi vermir".

"Bu idarəetmə niyə bu gündədir? Ona görə ki, peşəkarlar deyil, peşəkar olmayanlar görəvdədir. Bir dəfə ironiya ilə yazmışdım, indi də yerinə düşür: təsəvvür edin ki, Messi səviyyəli futbolçuları atırsan 3-cü liqaya, 3-cü liqanın da oyunçularını gətirib A liqasında oyandıb camaatı onlara baxmağa məcbur edirsən. Deyəcək sözlərin hamısı bitib. Bizim ən yaxşı halda tamaşa edib ya əl, ya da fit çalmağa gücümüz çatır.
Sən icazə verməyin sahibkara yardım da vermirsən, fəaliyyət sərbəstliyi də vermirsən. Bunun adı nədir?", - R.Ağayev vurğulayıb.

pia.az

Mənbə: pia.az