Azərbaycan Respublikasının işğal altındakı Kəlbəcər rayonunun “Vaquas” adlandırılmış Qozlu kəndinin daxili yolları asfaltlanmağa başlayıb.

Moderator.az xəbər verir ki, kəndin küçələri sosial şəbəkələrin erməni seqmentində verilən məlumata görə, separatçı-terrorçu rejimin Şuşada and içmiş yeni rəhbəri Araik Arutyunyanın göstərişi ilə abadlaşdırılmağa başlanıb.

1992-ci ilin yayındakı Milli Ordumuzun uğurlu hücum əməliyyatları zamanı digər neçə-neçə yaşayış məntəqəmiz kimi onlarla oğul-qızımızın şəhid olması, yaralanması, əlil olması sayəsində azad edilmiş, lakin sonradan Bakıda hakimiyyətə gəlmək istəyən qüvvələrin siyasi oyunları sayəsində yenidən düşmən tərəfindən ələ keçirilmiş bu Azərbaycan kəndində sülənən ermənilər içməli su problemi də yaşayırlar.

P.S. Belə getsə, ermənilər o torpaqlarımızdakı su problemlərini də həll edəcəklər. O dağlara, o havaya, o suya həsrət qalan isə biz olacağıq...

Sultan Laçın

 

 

Mənbə: moderator.az