Paşinyandan ETİRAF: “Ermənistan Azərbaycan rayonlarını işğal edib” - FOTOFAKT

Ermənistan baş naziri Nikol Paşinyan Qarabağ münaqişəsi ilə bağlı öz sələflərinin qeyri-konstruktiv mövqeyini davam etdirir. Maksimalist mövqdən çıxış edən Paşinyan “Qarabağ Ermənistandır, nöqtə” kimi populist ifadə səsləndirməklə danışıqlar prosesinə ciddi zərbə vurmuşdu.

Modern.az xatırladr ki, jurnalist olduğu illərdə o, Qarabağ münaqişəsi ilə bağlı tam fərqli mövqe nümayiş etdirir, hətta, Ermənisranın işğalçılıq siyasətini ifşa da edirdi.

1998-ci ildə “Oraqir” qəzetini yaradan Paşinyan 1999-cu ildə qəzet bağlandıqdan sonra onun davamı kimi “Haykakan jamank” qəzetini yaradır. Uzun illər qəzetin baş redaktoru olan Nikol Paşinyan (red-hazırda qəzetin baş redaktoru onun yoldaşı Anna Akopyandır) Robert Koçaryan və Serj Sarkisyan hakimiyyətini təndiq etməklə yanaşı, ölkəsinin təcavüzkar siyasətini də tənqid edirdi.

 

1999-cu il yanvarın 28-də Paşinyan “Oraqir” qəzetində “Ermənistanda da, işğal olunmuş torpaqlardakı kimidir” sərlövhəli məqaləsində yazırdı:

“Ermənistan ordu birləşmələri cəbhədə ilk ciddi uğurlarını qazanan, yəni Azərbaycanın bir neçə rayonunu işğal edən zaman, işğal olunmuş torpaqlarda qarət başladı”.

Rəsmi Yerevanın işğalçılıq siyasətini ifşa edən hazırkı baş nazir bu barədə 2001-ci ilin mayında “Aykakan jamanak” qəzetində də yazmışdı.

“Beləliklə, məni hələ də təccübkəndirir ki, ölkəmizdə işğal olunmuş torpaqlarla bağlı illüziyası olan insanlar var... Yaxşı diplomatiya hesabına həmin ərazilərin Azərbaycana qaytarılmamasının mümkünlüyünə inanmıram”.

Maraqlıdır ki, 2018-ci ilin mayından Ermənistan hökumətinə başçılıq edən Nikol Paşinyan “Qarabağ klanı”nın siyasi xəttini davam etdirərək, Qarabağla bağlı jurnalist kimi nümayiş etdiyini mövqedən imtina edərək işğalçılıq siyasətini dəstəkləyir.

Modern.az

ƏVVƏLKİ XƏBƏR

Bütün Yer kürəsində istiliyin fəlakətli dərəcədə artması qeydə alınıb

SONRAKI XƏBƏR

İmişlidə yeni məktəb binası inşa edilir - Foto