Bu ölkə komendant saatına keçir, xəstəxanalarda yer yoxdur

Serbiyada koronavirusla bağlı vəziyyət gərginləşib.

Unikal.org RİA “Novosti”yə istinadən xəbər verir ki, bunu Serbiya respublikasının prezidenti Aleksandr Vuçiç bəyan edib.

Onun sözlərinə görə, koronavirusun yayılmasının qarşısını almaq məqsədi ilə ölkədə komendant saatı tətbiq ediləcək.

“Bu cümədən etibarən gələn həftənin birinci gününə qədər komendant saatı tətbiq ediləcək. Bundan əlavə, çərşənbə günündən etibarən həm qapalı, həm də açıq məkanlarda beş nəfərdən çox insanın toplaşması qadağandır. Hazırda 4 minə yaxın insan COVID-19-dan müalicə alır, paytaxt Belqradda isə tibb müəssisələri demək olar ki, doludur”.

Ölkənin Səhiyyə Nazirliyi bildirib ki, ötən gün COVID-19 üçün götürülən analiz nümunələri müsbət çıxmış 13 nəfər vəfat edib. Bununla da pandemiya qurbanlarının sayı 330 nəfər çatıb.

İndiyədək ölkədə ümumilikdə 16 719 nəfərin koronavirus infeksiyasına yoluxması faktı müəyyən edilib.

Unikal.org

ƏVVƏLKİ XƏBƏR

Onlayn mağazaların bir ildən çox axtardığı sirli alıcı tapıldı

SONRAKI XƏBƏR

Masallıda quldurluq yolu ilə evə daxil olublar - Pul və telefon oğurlayıblar