Rusiya və Çin BMT Təhlükəsizlik Şurasının Suriyaya humanitar yardımın birbaşa Türkiyə sərhədindən çatdırılmasının genişləndirilməsi ilə bağlı qətnamə layihəsinə veto qoyub.

APA-nın “TASS”-a istinadən verdiyi məlumata görə, bu barədə təşkilatdakı mənbə xəbər verib.

“Rusiya və Çin sənədin əleyhinə, Şuranın 13 üzvü isə lehinə səs verib. Qətnamə layihəsi TŞ-nin daimi üzvlərinin “əleyhinə” səs verməsi səbəbindən qəbul edilməyib”, - deyə mənbə agentliyə bildirib.

Qətnamənin müəllifləri – Almaniya və Belçika – Suriyaya yardımın Dəməşqdən yan keçməklə çatdırıldığı məntəqələrin sayının tədricən azaldılmasının tərəfdarı olan Rusiyanın mövqeyini dinləməyiblər.

Mənbə: apa.az