Bakı. Trend:
ABŞ Çinin keçmiş və hazırkı məmurlarına, habelə Sincan Uyğur Muxtar Bölgəsi İctimai Təhlükəsizlik Təşkilatına qarşı sanksiyalar tətbiq edib.
Trend-in məlumatına görə, bu barədə ABŞ Maliyyə Nazirliyinin mətbuat xidmətinin yaydığı açıqlamada deyilir.
Bildirilib ki, məhdudiyyətlər "Sincan Uyğur Muxtar Bölgəsindəki etnik azlıqlara qarşı ciddi qanun pozuntuları" ilə əlaqədar tətbiq edilib:
"ABŞ, Sincan və bütün dünyada insan hüquqlarını pozanları məsuliyyətə cəlb etmək üçün bütün maliyyə imkanlarından istifadə etməyə sadiqdir".
Mənbə: az.trend.az