Eastnews.org-un verdiyi xəbərə görə, ABŞ dövlət katibi ölkəsinin İranın raket qabiliyyətlərinə qarşı ərəb ölkələri üçün təhlükəsizliyi təmin etməyə sadiq olduğunu bildirib.

Mayk Pompeo Vaşinqtonun bunun üçün Körfəz Əməkdaşlıq Şurasının üzvü olan ölkələrlə işlədiyini söyləyib.

Xarici media müxbirləri ilə telefon danışığında ABŞ dövlət katibi ABŞ-ın İranın artan raket imkanları qarşısında Körfəz dövlətləri üçün təhlükəsizliyi təmin etməyə sadiq olduğunu deyib.

Dövlət katibi, həmçinin İranın raket proqramının BMT Təhlükəsizlik Şurasının 2231 saylı qətnaməsini pozduğunu və İrana qarşı silah embarqolarının uzadılması üçün böyük bir təhlükə yaratdığını iddia edib:

 

"Düşünürük ki, dünyanın bir neçə aydan sonra başa çatacaq İrana qarşı silah embarqosunu uzatmaq üçün birləşməsi vacibdir. İranın silah embarqosunun müddətinin uzanması bölgə üçün xeyrli olacaq və bütün Yaxın Şərqi sabitləşdirəcək".

Pompeo ABŞ-ın İran raket təhdidi adlandırılan vəziyyət qarşısında Fars körfəzi ölkələrinin müdafiə qabiliyyətlərini gücləndirməyi planlaşdırması ilə bağlı suala cavabında Vaşinqtonun düşündüyü strategiyaya işarə edib:

"Körfəzdəki tərəfdaşlarımızla işləmişik və bu onlara silah embarqosunun uzadılmasına kömək etməyib, bu onlar üçün çox vacibdir, eyni zamanda hər şeyin ictimaiyyətə açıq olduğu hər cür silah satışı da daxil olmaqla onlara çox kömək etdik. İranlıların böyüməkdə olan imkanlarını təmin etmək üçün həm açıq şəkildə, həm də başqa şəkildə edilə biləcək işlər var. Biz onların kosmik proqramını hazırlamaq səylərini izləyirik. Əlbəttə ki, proqramın mülki məqsədlər üçün olduğunu və ticari peykləri havaya göndərmək olduğunu iddia edirlər, amma dünya bundan daha ağıllıdır və proqramın daha çox və daha uzaq mənzilli raket sistemlərinə sahib olmaq istəkləri ilə dərin bir əlaqəsi olduğunu başa düşür".

BMT Təhlükəsizlik Şurasına görə İrana silah embarqosu oktyabrın 18-də başa çatacaq, ancaq Donald Tramp başçılıq etdiyi ABŞ administrasiyası sanksiyaların müddətinin sona çatmaması üçün səy göstərməyə başlayıb.

ABŞ İrana qarşı maksimum təzyiq siyasətini inkişaf etdirmək üçün İrana qarşı silah sanksiyalarını uzatmaq istəyir. Vaşinqton nüvə sazişindəki bir bəndə əsaslanaraq, İrana qarşı beynəlxalq sanksiyaları bərpa etməyə çalışacağını söyləyib.

ABŞ sanksiyalara son qoymağa çağıran qətnamə layihələrini Təhlükəsizlik Şurasının üzvlərinə paylayıb. Təhlükəsizlik Şurasına verilən qətnamə Təhlükəsizlik Şurasının beş daimi üzvünün (ABŞ, Rusiya, Çin, Fransa və İngiltərə) hər biri tərəfindən veto qoymadan azı doqquz üzvünün təsdiqlənməsini tələb edir.

ABŞ-ın təklif olunan qətnaməsi İran tərəfindən silah və ya digər vasitələrin satışına, tədarükünə və ya ötürülməsinə qadağa qoyulmasına çağırır. Qətnamədə Təhlükəsizlik Şurasında bir komitə tərəfindən təsdiqlənməyincə ölkələrə İranla əlaqəli silah və ya vasitlərin satılması, tədarükü və ya təhvil verilməsi qadağan edilir.

Mənbə: eastnews.org