Qazaxıstan prezidenti Qasım-Jomart Tokayev xarici vətəndaşların ölkədə torpaq almasına qadağa qoyulacağını açıqlayıb.
KONKRET.az-ın Mərkəzi Asiya ölkələri üzrə bürosu xəbər verir ki, o, hökumətin genişləndirilmiş iclasında çıxış edib.
“2021-ci ildə Torpaq Məcəlləsinin müəyyən normalarına moratorium başa çatacaq … Əsas problemlər müəyyənləşdirilib. Torpaq xaricilərə satılmır. Bu məsələyə qayıtmayacağıq” deyib.
Prezident torpaq sahəsinin inkişaf etdirilməsinin vacibliyini vurğulayıb.
Onun sözlərinə görə, 12,8 milyon hektar inkişaf etməmiş torpaqlar inventarlaşdırıldıqdan sonra 7 milyon hektar dövlətə qaytarılıb.
Tokayev ekologiyanın əhəmiyyətini də qeyd edərək deyib ki, ölkədə hər il beş milyon ton məişət tullantıları toplanır, halbuki onların təkrar istifadəsi yalnız 15% təşkil edir.
Dövlət başçısının sözlərinə görə, bu kifayət deyil.
Mənbə: konkret.az