Eastnews.org-un verdiyi xəbərə görə, İngiltərə Xarici İşlər Nazirliyi, Səudiyyə Ərəbistanının bir sıra səlahiyyətlilərini insan haqlarının pozulması ilə əlaqədar sanksiya tətbiq etdikdən sonra Müdafiə naziri Ben Uollas telefon danışığı ilə Riyad rəsmilərinə təsəlli verib.
Bu barədə "İndependent" qəzeti məlumat yayıb.

Məlumata görə, Ben Uollas hökumətin tətbiq etdiyi sanksiyalara görə üzr istəmək üçün Səudiyyə Müdafiə Nazirinin müavini Xalid ibn Salman ibn Əbdüləzizlə əlaqə saxlayıb və üzr istəyib. Ancaq İngiltərə bu məlumatı yayımlamayıb.

Səudiyyə xəbər agentliyi vəziyyətdən yararlanaraq xəbəri yayımlayıb. Xəbərdə bildirilib ki, Müdafiə Naziinin müavini şahzadə Xalid ibn Salman, dünən İngiltərə Müdafiə naziri Uollas ilə telefon danışığı həyata keçirib. Telefon danışığında iki ölkə arasındakı əməkdaşlıq, xüsusilə müdafiə sahəsində əməkdaşlıq və regional və qlobal təhlükəsizliyin gücləndirilməsi istiqamətində görülən işlər müzakirə edilib.

Xəbərdə, həmçinin qeyd olunub ki, İngiltərə rəsmisi Səudiyyə Ərəbistanının regional təhdidlərə qarşı mübarizədəki rolunu yüksək qiymətləndirib.

Qeyd edək ki, Səudiyyə Ərəbistanının müharibə cinayətləri törətməsinə baxmayaraq İngiltərə bu ölkəyə hərbi texnika göndərməyə davam edir.

Mənbə: FNA

Mənbə: eastnews.org