Bakı. Trend:

Türkiyə Livanda baş vermiş partlayışdan sonra ciddi ziyan dəymiş Beyrut limanını bərpa etməyə hazırdır.

Trend-in məlumatına görə, bunu Türkiyənin vitse-prezidenti Fuat Oktay deyib.

O bildirib ki, hazırda Beyrutda türkiyəli axtarış-xilasetmə qrupları işləyir və bu günədək Türkiyə 400 ton ərzaq yardımı yollayıb:

"Türkiyə ciddi ziyan dəymiş limanı və ətraf tikililəri bərpa etməyə hazırdır. Biz prezident Mişel Aunla görüşümüz zamanı bildirmişik ki, Livan Beyrut limanı bərpa olunanadək Mersin limanından istifadə edə bilər".

Vitse-prezident əlavə edib ki, zərurət yaranacağı təqdirdə yaralılar müalicə üçün Türkiyəyə gətirilə bilər.

Mənbə: az.trend.az