ABŞ və “Taliban” hərəkatı məlumat mübadiləsi üçün hərbi rabitə kanalı qurublar. Azvision.az xəbər verir ki, bu barədə “RİA Novosti” qurumun siyasi bürosunun nümayəndəsi Suheyil Şahinə istinadən məlumat yayıb.
Onun sözlərinə görə, hər hansı bir pozuntu baş verərsə, “Taliban” Amerika tərəfini, ABŞ isə onları məlumatlandıracaq.
Xatırladaq ki, bu ilin fevral ayının sonunda ABŞ və “Taliban” hərəkatı 18 ildən çox davam edən müharibədə ilk dəfə sülh sazişi imzalayıb. Razılaşmaya əsasən, Amerika qoşunları saziş bağlandıqdan 14 ay sonra Əfqanıstanı tərk etməlidir.
Hazırda NATO əsgərləri Əfqanıstan ərazisində yerləşən beş bazanı tərk edib.

Pərvanə Sultanova
Azvision.az

Mənbə: azvision.az