Aleksandr Lukaşenkonun prezident seçkisindəki rəqibi Svetalana Tixanovskaya səsvermənin nəticəsini tanımaqdan imtina edib.

Avropa.info xəbər verir ki, bu barədə Tixanovskayanın nümayəndəsi Olqa Kovalkova açıqlama verib. Onların hesablamasına görə, Tixanovskaya ölkənin bütün regionlarında 70%-90% arası səs yığıb.

“Heç bir saxtakarlığın aparılmadığı, səslərin düzgün sayıldığı seçki komissiyalarından aldığımız məlumatlar var. Svetlana qalib gəlib: 70%-80% arasın səs yığıb. Necə düşünürsüz, MSK-nın bu gün dediyini normal qəbul edə bilərik? Əlbəttə ki, yox. Ola bilməz ki, Svetlanaya bir məntəqədə 90%, ikincidə 3% və ya 6%, ya da 8% səs verilsin” – Kovalkova deyib.

Qeyd edək ki, Belorus MSK Aleksandr Lukaşenkonun 80,23%, Tixanovskayanın 9,9%, Anna Konapaskayanın 1,68%, Andrey Dmitriyevin 1,04%, Sergey Çereçenin 1,13% səs yığdığını açıqlayıb.

Mənbə: avropa.info