"Qarabağ" futbolçusu Rüstəm Əhmədzadə "Zirə"yə keçib.
Bu haqda məlumatı Qol.az-a açıqlamasında Ağdam klubunun mətbuat xidmətinin rəhbəri Gündüz Abbaszadə təsdiqləyib. O, 21 yaşlı hücumçunun 2022/2023 mövsümündə icarə əsasında "Zirə"də çıxış edəcəyini bildirib.
R.Əhmədzadə artıq "Qarabağ"ın düşərgəsindən ayrılıb və Bakı təmsilçisinə qoşulacaq. .
Qeyd edək ki, millimizin üzvü ötən ilin dekabrında Ukrayna "Minay"ından "Qarabağ"a transfer olunub.
Mənbə: qol.az