İngiltərəyə yağan güclü yağışlar nəticəsində ölkənin şimal hissəsindəki bəzi şəhərlərə ciddi ziyan dəyib.
Ən çox ziyan Şeffild şəhərinə dəyib. Güclü yağışlar nəticəsində yerli çaylar məcrasından çıxaraq daşıb, şəhərin küçələrini , magistral yolları su basıb. Onlarca evə ziyan dəyib. Küçələrdəki bəzi avtomobillər su altında qalıb. Britaniyalı jurnalistlər bu daşqını “bibliya axını” ­adlandırıblar.
Hazırda təbii fəlakət zonasında xilasedicilər çalışırlar. Əhalidən xahiş olunub ki, mümkün qədər evdən çıxmasınlar.

Qəzənfər QASIMOV, “Xalq qəzeti”

Mənbə: xalqqazeti.com