Pekin, 4 aprel, AZƏRTAC
Çinin Honkonq xüsusi inzibati bölgəsində çevik polis dəstəsinin 130 əməkdaşı yeni növ koronavirus (COVID-19) infeksiyası ilə əlaqədar karantinə cəlb olunub.
AZƏRTAC xəbər verir ki, inzibati bölgənin Qərbi Koulun rayonunun polis idarəsi həmin bölmədən olan 2 polisin “COVID-19”a yoluxması təsdiqlənəndən sonra belə bir qərarın qəbul olunduğunu açıqlayıb. Bundan başqa, naryaddan uzaqlaşdırılan həmin çevik polis bölməsinin bütün əməkdaşlarının “COVID-19” testindən keçməsi əmr olunub.
Qeyd edək ki, son məlumata əsasən, Honkonqda koronavirusa yoluxanların sayı 862 nəfərə çatıb. Ölənlərin sayı isə 4-dür.
Şahin Cəfərov
AZƏRTAC-ın xüsusi müxbiri
Pekin
Mənbə: azertag.az