Fransada meşə yanğınları fonunda yaşıllığa qəsdən od vurmaqda şübhəli bilinən 30-dan çox şəxs saxlanılıb.
Bu barədə respublikanın daxili işlər naziri Loran Nunes "X" sosial şəbəkəsində məlumat yayıb.
"22 departament üzrə ümumilikdə 32 nəfər qəsdən yanğın törətmək şübhəsi ilə həbs edilib", - deyə nazir qeyd edib.
O, bu cür əməlləri kəskin şəkildə pisləyərək, onların fransız yanğınsöndürənlərinin həyatı üçün ciddi təhlükə yaratdığını xüsusi vurğulayıb.
Hazırda Fransanın cənubunda yerləşən bir neçə regionda güclü meşə yanğınları tüğyan edir. İyulun 10-na olan məlumata əsasən, ölkə ərazisində artıq 25 min hektar meşə sahəsi yanaraq külə dönüb./Oxu.az
Mənbə: yenisabah.az
scorpion.az