Fransada sahibkar Elon Musk və onun sahibi olduğu X barəsində cinayət araşdırması başlanılıb.
Bu barədə “Le Monde” nəşri məlumat yayıb.
Araşdırmaya səbəb İlon Maskın Paris prokurorluğunun 20 aprel tarixli dindirilmə çağırışına məhəl qoymaması olub.
Fransa hüquq-mühafizə orqanları artıq ötən ildən etibarən “X” platformasında mümkün qayda pozuntularını araşdırır. İddialar platformanın alqoritmlərinin işləməsi, istifadəçi məlumatlarının istifadəsi və süni intellekt əsaslı “Grok” çat-botunun yaratdığı məzmunla bağlıdır.
Məlumatda bildirilir ki, “Grok” tərəfindən antisemit məzmunlar, Holokostun inkarına dair yazılar və uşaq istismarı ilə bağlı qeyri-qanuni kontentlərin yaradıldığı iddia olunur.
Fransa prokuroru Lor Beko qeyd edib ki, Mask çağırışlara əməl etmədiyi halda onun barəsində beynəlxalq həbs orderinin verilməsi də istisna edilmir.
Mənbə: bizim.media
scorpion.az