Artan iqlim təhlükələri fonunda İsrail Nəqliyyat Nazirliyinin Meteorologiya Xidməti tərəfindən hazırlanmış innovativ meşə yanğınlarının proqnozlaşdırılması sistemini təqdim edib.
Bizim.Media xəbər verir ki, süni intellektlə işləyən alət risk sahələrini əvvəlcədən müəyyən etməyə, infrastrukturu qorumağa və nəqliyyatda yaranan fasilələri minimuma endirməyə kömək edəcək.
Sistem daha yüksək yanğın riski olan əraziləri müəyyən etmək üçün hava şəraitini, bitki örtüyünün rütubət səviyyələrini və digər əsas dəyişənləri təhlil edir. Bu, fövqəladə hallar xidmətlərinin daha çevik reaksiya göstərməsinə, yanğının yayılmasının məhdudlaşdırılmasına və sərnişinlərin təhlükəsizliyinin təmin olunmasına imkan verəcək.
Nəqliyyat naziri Miri Regev sistemin işə salınmasının iqlim dəyişikliyinə uyğunlaşma strategiyasının bir hissəsi olduğunu bildirib:
“Bu, bizə yanğın hallarında daha yaxşı hazırlaşmağa, nəqliyyatda yaranan fasilələri azaltmağa və insan həyatı üçün risklərin qarşısını almağa kömək edəcək”.
Süni intellektlə proqnozlaşdırma ilə yanaşı, yanğınların istiqamətini və inkişafını real vaxt rejimində izləməyə imkan verən 3D model hazırlanır. Sistem yanğın riskinin yüksək olduğu Yunanıstan və Kiprlə birgə əməkdaşlıq sayəsində yaradılıb.
Birgə səylər hava məlumatlarını inteqrasiya etməyə və nəqliyyat infrastrukturunun qorunması üçün universal alət hazırlamağa imkan verdi.
Nəqliyyat Nazirliyindən verilən məlumata görə, hər il yanğınlar qatarların hərəkətində fasilələrə səbəb olur və yay aylarında ən azı 15 gün yolları bağlayır. İndi İsrail Dəmir Yolları və Netivei İsrail kimi xidmətlər güclü erkən cavab vasitəsinə sahib olacaqlar.
Qeyd edilib ki, sistem daha geniş iqlim strategiyasının bir hissəsinə çevriləcək. Belə ki, bu strategiyaya eyni zamanda daşqınların proqnozlaşdırılması aləti də daxildir.
Bizim.Media
Mənbə: bizim.media
scorpion.az