Bu gün "Qarabağ"ın prezidenti Tahir Gözəl "Qalatasaray"ın prezidenti Dursun Özbeklə görüşüb.
Qol.az xəbər verir ki, görüş "Qalatasaray"ın Bakıda qaldığı oteldə baş tutub. Klub rəhbərləri komandalar arasında bu gün keçiriləcək xeyriyyə matçının əhəmiyyətini qeyd ediblər.
44 günlük Vətən Müharibəsinin qaziləri də klub prezidentləri ilə görüşüb, onlarla şəkil çəkdiriblər.
Xatırladaq ki, Bakı Olimpiya Stadionunda keçiriləcək "Qarabağ” - “Qalatasaray” matçı bu gün saat 20:00-da başlanacaq. Oyundan əldə ediləcək bütün gəlir Türkiyədə zəlzələdən zərər çəkən bölgələrə ayrılacaq.
