Avropa Komissiyası siqaretlərin aksiz dərəcəsinin artırılmasını təklif edəcək

Avropa Komissiyası tütün sənayesinin vergiyə cəlb edilməsinə yenidən baxılmasını təklif edəcək.

“Report” xəbər verir ki, bu barədə “Financial Times” Avropa Komissiyasının sənəd layihəsinə istinadən məlumat yayıb.

Qəzetin yazdığına görə, elektron siqaret vergiyə cəlb ediləcək. Eyni zamanda Avropa İttifaqında aksiz vergi dərəcəsi 20 siqaret qutusu üçün 1,8 avrodan 3,6 avroya qədər iki dəfə artırıla bilər. Bu, bir qutunun qiyməti 3 avrodan aşağı olan Şərqi Avropa ölkələrində siqaretin bahalaşmasına səbəb olacaq.

Qeyd olunub ki, minimum aksiz vergisinin artırılması siqaretin qiymətinin aşağı olduğu ölkələrdə, o cümlədən Bolqarıstan, Slovakiya, Polşa və Macarıstanda istehlakçılara və təsərrüfat subyektlərinə güclü təsir göstərəcək.

Avropa Komissiyası siqaretə qoyulan vergilərin artırılmasının Aİ-yə üzv dövlətlərə əlavə 9,3 milyard avro gəlir gətirəcəyini gözləyir.

Report.az

ƏVVƏLKİ XƏBƏR

Moskva və Bakının əlaqələrinə zərbə vuranlar…

SONRAKI XƏBƏR

Azərbaycanlıların sevdiyi tanınmış aktrisa vəfat etdi