Jurnalist və qaçış həvəskarı Sindi Kuzma axşam saatlarında telefondan istifadəni dayandırdıqdan sonra yuxusunun və gündəlik həyatının yaxşılaşdığını bildirib.
Jurnalist bu təcrübəsini “Prevention” nəşrindəki köşəsində bölüşüb.
O, hər axşam telefonunu səhərə qədər qonaq otağında enerji yığmağa qoymağa başlayıb. İlk vaxtlar telefonsuz qalmaq çətin olsa da, qısa müddətdə yuxusunun keyfiyyəti yaxşılaşıb, gecələr oyanmadan yatmağa başlayıb.
Kuzmanın sözlərinə görə, indi səhərlər də daha sakit və rahat keçir, günə başlamaq asanlaşır. Nəticədə özünü daha az narahat hiss edir və məhsuldarlığı artır.
Psixoloq Natali Dautoviç də bu vərdişin faydasını təsdiqləyib. Onun sözlərinə görə, telefon ekranının mavi işığı bioloji ritmi poza, bildirişlər isə yuxunu bölə bilər. Ekranda görülən məlumatlar da insanın həddindən artıq oyanıqlığına səbəb ola bilər.
Müəllif: Adəm
Mənbə: publika.az
scorpion.az