Bakıda bu evlərin kirayə qiyməti ucuzlaşır

Bakı. Elçin Mehdiyev – Trend:

Bakıda istirahət üçün kirayə verilən bağ və fərdi yaşayış evlərinə tələbat azaldığı üçün kirayə qiymətləri ucuzlaşıb.

Bu barədə Trend-ə "MBA Group" konsaltinq şirkətinin direktoru, əmlak məsələləri üzrə ekspert Nüsrət İbrahimov deyib.

N.İbrahimov bildirib ki, avqust ayında kirayə bağ və fərdi yaşayış evinin 1 kvadratmetr sahəsinin qiyməti 7,57 manatdan 7,52 manata düşüb, yəni ay ərzində azalma 0,66 faiz təşkil edib. Ötən illə müqayisədə isə azalma 7,69 faiz təşkil edib.

Ekspert qeyd edib ki, qiymətlərin ucuzlaşması mövsümi xarakter daşıyır: “Artıq yay mövsümü başa çatıb, istirahətə gedənlər geri dönür və ona görə də kirayə qiymətləri azalır. Qarşıdakı dövrdə kirayə qiymətlərinin bir qədər də ucuzlaşacağı gözlənilir”.

Trend.az

ƏVVƏLKİ XƏBƏR

Türkiyədə 276 nəfər 1 gündə COVİD-19 qurbanı oldu

SONRAKI XƏBƏR

24 yaşlı leytenantın qəhrəmanlıq yolu - VİDEO