Biləsuvarda yeni tədris ilinin başlanması ilə əlaqədar profilaktik tədbirlər görülür

Biləsuvar, 22 sentyabr, Bağır Əliyev, AZƏRTAC

Yeni tədris ilinin başlanması ilə əlaqədar Biləsuvar Rayon Polis Şöbəsinin Dövlət Yol Polisi Bölməsinin və Baş Dövlət Yol Polisi İdarəsinin “Siqnal” İdarəsinin əməkdaşları tərəfindən yollarda hərəkətin və şagirdlərin təhlükəsizliyini təmin etmək məqsədilə profilaktiki tədbirlər həyata keçirilir.

Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə bildirilib ki, məktəblilərin iştirakı ilə baş verən yol nəqliyyat hadisələrinin qarşısının alınması, azyaşlıların həyat və sağlamlıqlarının qorunması polisin qarşısında duran əsas vəzifələrdəndir.

Bu istiqamətdə görülən tədbirlər çərçivəsində şəhər ərazisindəki bütün küçə və prospektlərdə, hərəkət marşrutlarında yol şəraiti müayinə edilərək piyada keçidlərində və yol nişanlarında cizgilənmə işləri aparılır.

Azertag.az

ƏVVƏLKİ XƏBƏR

Rihanna malikanəsini satır - ŞOK QİYMƏT

SONRAKI XƏBƏR

Dünyanın ən yaşlı əkizləri “Ginnesin Rekordlar Kitabı”na düşüblər - FOTO