Berlində keçirilən aksiyada 93 polis əməkdaşı xəsarət alıb

Almaniyanın paytaxtı Berlində keçirilən etiraz aksiyasında baş verən qarışıqlıqlar zamanı 90-dan çox polis əməkdaşı xəsarət alıb.

“Report” TASS-a istinadən xəbər verir ki, bu barədə şəhər polisi məlumat yayıb.

Mayın 15-də Berlində Fələstinə 4 dəstək aksiyası keçirilib. Nümayişlərdən birində vəziyyət gərginləşib – aksiyaçılar polis əməkdaşlarına daş, butulkalar və pirotexniki vasitələr atıblar. Polis bunun qarşısını almaq üçün xüsusi vasitələrdən istifadə edib.

"Asayişin qorunmasını 900 polis əməkdaşı təmin edirdi. Onlardan 93-ü xəsarət alıb", - asayiş keşikçiləri bildiriblər.

Xəsarət alanlardan hər hansı birinin həyatına təhlükənin olub-olmaması barədə məlumat verilmir. Aksiya zamanı 59 nəfər saxlanılıb.

Report.az

ƏVVƏLKİ XƏBƏR

Aiways markası ikinci seriya elektrokarını təqdim edib - FOTO

SONRAKI XƏBƏR

“Liverpul” qapıçısının son saniyədə vurduğu qolla 3 xal qazandı - VİDEO