Yaponiyada sunami səbəbilə 210 min nəfərin təxliyə edilməsi nəzərdə tutulub

210 min Yaponiya sakini sunami təhlükəsi səbəbilə yerli hakimiyyət orqanlarından təxliyə barədə xəbərdarlıq alıblar.

Trend-in məlumatına görə, bu barədə "Kyodo" agentliyi xəbər yayıb.

Məlumata əsasən, müvafiq tapşırıq Aomori, İvate, Miyaqi, Tiba, Kota, Miyadzaki və Kaqosima prefekturalarının bir sıra rayonlarının sakinlərinə göndərilib.

Sözügedən prefekturalar Yaponiyanın Sakit okeanı sahillərində yerləşir.

Xatırladaq ki, ötən gün Tonqa Krallığında Hunqa-Tonqa-Hunqa-Haapay sualtı vulkanının püskürməsi səbəbilə Yaponiyada sunami təhlükəsi elan edilib. Daha sonra ölkənin müxtəlif rayonlarının sahillərində 1,2 metrlik dalğalar qeydə alınıb.

Trend.az

ƏVVƏLKİ XƏBƏR

Prezidentin ölümündə şübhəli bilinən senator saxlanıldı

SONRAKI XƏBƏR

Şimali Koreyalı hakerlər ötən il 395 milyon dollarlıq kriptovalyuta oğurlayıblar