Sabirabadda Birinci Qarabağ müharibəsində itkin düşən və 30 ildən sonra Xocavənd rayonunda kütləvi məzarlıqda qalıqları tapılan şəhid Vüqar Həsənovla vida mərasimi keçirilir.

Şəhid Vüqar Həsənovun qalıqları doğulduğu Sabirabad rayonuna, Muğangəncəli kəndindəki evinə gətirilib.

Vida mərasimində rayon ictimayyətinin nümayəndələri, hərbçilər, şəhidin yaxınları, Sabirabad rayon İcra Hakimiyyətinin başçısı Siraqəddin Cabbarov və digər rəsmi şəxslər iştirak edirlər. Vida mərasimindən sonra şəhidin qalıqları Muğangəncəli kənd qəbristanlığında torpağa tapşırılacaq.

Qeyd edək ki, şəhid Həsənov Vüqar Telman oğlunun nəşinin qalıqları Xocavənd rayonunun Edilli kəndində tapılan kütləvi məzarlıqda aşkarlanıb.

Mənbə: apa.az