Ələt-Astara magistralında "TIR" yük avtomobilində baş verən yanğın söndürülüb.
Bağlı qalan yolda avtomobillərin hərəkəti qismən bərpa olunub.
Faktla bağlı araşdırma aparılır.
***
22:25
Biləsuvar rayonu ərazisində "TIR" yanıb.
Hadisə Bakı-Astara magistralının 118-ci kilometrində, Biləsuvar rayonu ərazisində baş verib.
Hərəkətdə olan ağır tonnajlı yük maşını anidən yanmağa başlayıb.
Hazırda yanğınsöndürənlər əraziyə cəlb olunub. Avtomobilin söndürülməsi istiqamətində tədbirlər görülür.
Faktla bağlı araşdırma aparılır.
Mənbə: apa.az